دہلی کے سابق وزیراعلیٰ اور عام آدمی پارٹی کے قومی کنوینر اروند کیجریوال کو اپنا آشیانہ مل گیا ہے اور اب وہ ہفتہ کووزیر اعلی ہاؤس خالی کرنے والے ہیں۔ اس کے بعد کیجریوال نئی دہلی قانون ساز اسمبلی میں رہیں گے۔ وہ عآپ رکن پارلیمنٹ اشوک متل کے گھر پر رہیں گے جو 5 فیروز شاہ روڈ پر واقع ہے۔
‘اے بی پی’ کی خبر کے مطابق عآپ سربراہ اروند کیجریوال نئی دہلی سے اپنے اسمبلی حلقہ اور دہلی انتخاب کی تشہیری مہم دیکھیں گے۔ پارٹی رہنماؤں، کونسلروں، اراکین اسمبلی اور اراکین پارلیمنٹ نے اروند کیجریوال کو اپنا گھر دینے کی پیش کش کی تھی۔ جس کے بعد کیجریوال نے اشوک متل کا گھر رہنے کے لیے انتخاب کیا۔قبل میں عام آدمی پارٹی کی طرف سے بتایا گیا تھا کہ اروند کیجریوال سول لائنس میں فلیگ اسٹاف روڈ پر واقع دہلی کے وزیراعلیٰ کی سرکاری رہائش گاہ اگلے ایک دو دنوں میں خالی کر دیں گے، کیونکہ ان کے لیے نئی دہلی میں ایک رہائش طے ہو گیا ہے، جہاں وہ اپنے کنبہ کے ساتھ رہنے کے لیے آئیں گے۔
پارٹی ذرائع نے دعویٰ کیا تھا کہ کیجریوال منڈی ہاؤس کے پاس فیروز شاہ روڈ پر عآپ کے راجیہ سبھا رکن پارلیمنٹ کو الاٹ دو سرکاری بنگلوں میں سے ایک میں رہنے کے لیے جا سکتے ہیں۔ انہوں نے بتایا کہ دونوں بنگلے روی شنکر شکلا لین واقع عآپ صدر دفتر سے کچھ ہی میٹر کے فاصلے پر ہے۔
غور طلب رہے کہ دہلی کے وزیراعلیٰ عہدہ سے استعفیٰ دینے والے کیجریوال نے اس مہینے کی شروعات میں کہا تھا کہ وہ نوراتر کے دوران فلیگ اسٹاف روڈ واقع سرکاری رہائش خالی کر دیں گے۔ پارٹی نے ایک بیان میں کہا "اروند کیجریوال اگلے ایک سے دو دنوں میں وزیراعلیٰ کی سرکاری رہائش خالی کر دیں گے، کیونکہ ان کے اور ان کے کنبہ کے لیے ایک رہائش طے کر لیا گیا ہے۔”
پارٹی نے کہا تھا کہ اروند کیجریوال اپنے کنبہ کے ساتھ نئی دہلی انتخابی حلقہ میں رہیں گے جس کی نمائندگی وہ دہلی قانون ساز اسمبلی میں کرتے ہیں۔ اس سے قبل عام آدمی پارٹی نے مرکزی حکومت سے قومی پارٹی کے اہم سربراہ کے طور پر کیجریوال کو سرکاری رہائش دینے کا بھی مطالبہ کیا تھا۔