کل ہفتہ کی شام فلسطینی نیوز ایجنسی نے کہا کہ اسرائیلی طیاروں اور توپ خانے کی بمباری میں نصیرات اور مغازی کیمپوں، وسطی غزہ کی پٹی کے علاقے الزوائدہ اور جنوبی غزہ کی پٹی میں رفح میں گھروں کو نشانہ بنایا اور اس دوران 25 سے زائد افراد ہلاک اور درجنوں زخمی ہوگئے ہیں۔طبی ذرائع نے تصدیق کی ہے کہ وسطی غزہ کی پٹی کے نصیرات کیمپ میں ایک مکان پر بمباری میں کم سے کم تین فلسطینی ہلاک ہو گئے ہیں، جب کہ وسطی غزہ کی پٹی میں المغازی کیمپ پر بمباری میں 6 افراد ہلاک اور دیگر کئی زخمی ہو گئے ہیں۔فلسطینی ایجنسی نے نشاندہی کی کہ وسطی غزہ کی پٹی میں الزوائدہ کے علاقے میں ایک گھر پر اسرائیلی بمباری میں کم سے کم 10 افراد ہلاک اور دیگر کئی زخمی ہوگئے ہیں، جب کہ رفح پر اسرائیلی بمباری میں ہونے والی ہلاکتیں اور زخمی اس کے علاوہ ہیں۔
جنوبی غزہ پر اسرائیلی بمباری میں 25 سے زائد افراد ہلاک اور درجنوں زخمی
