عوامی جمہوریہ چین کے 15ویں نیشنل گیمز 21 نومبر کی شام چین کے شہر شن زن میں اختتام پذیر ہوئے۔ کمیونسٹ پارٹی آف چائنا کی مرکزی کمیٹی کے سیاسی بیورو کی قائمہ کمیٹی کے رکن اور چینی عوامی سیاسی مشاورتی کانفرنس کی قومی کمیٹی کے چیئرمین وانگ حو نینگ نے 15ویں نیشنل گیمز کے اختتام کا اعلان کیا۔ 15 ویں نیشنل گیمز کھیلوں کا پہلا بڑا ایونٹ ہے، جس کی میزبانی صوبہ گوانگ ڈونگ، ہانگ کانگ اور مکاؤ نے مشترکہ طور پر کی ہے۔ حالیہ نیشنل گیمز 9 نومبر کو شہر گوانگ چو میں شروع ہوئے، جن میں 34 مسابقتی ایونٹس اور 23 عوامی ایونٹس شامل تھے اور 14,000 سے زیادہ پیشہ ور کھلاڑیوں اور تقریباً 11,000 شوقیہ کھلاڑیوں نے شرکت کی۔حالیہ گیمز میں پانچ کھلاڑیوں اور تین ٹیموں نے 8 مواقع پر 8 عالمی ریکارڈ توڑے،10 کھلاڑیوں اور 4 ٹیموں نے 14 مواقع پر 13 ایشیائی ریکارڈز توڑے، جبکہ 10 کھلاڑیوں اور 4 ٹیموں نے 15 مواقع پر 14 قومی ریکارڈ قائم کئے۔
اطلاعات کے مطابق چین کے 16ویں نیشنل گیمز 2029 میں صوبہ حو نان میں منعقد ہوں گے۔