نئی دہلی۔ 13؍ اپریل۔ ایم این این۔ تجارت اور صنعت کے وزیر پیوش گوئل نے پیر کو اپنے عمانی ہم منصب انور بن ہلال بن حمدون الجابری کے ساتھ دو طرفہ تجارت اور سرمایہ کاری کو فروغ دینے کے طریقوں پر بات چیت کی۔گزشتہ چند دنوں میں گوئل نے سعودی عرب، متحدہ عرب امارات، بحرین اور کویت کے وزرائے تجارت کے ساتھ بات چیت کی ہے۔گوئل نے ایک سوشل میڈیا پوسٹ میں کہا، "عمان کے کامرس، صنعت اور سرمایہ کاری کے فروغ کے وزیر اعلیٰ انور بن ہلال بن حمدون الجابری کے ساتھ ٹیلی کال کی۔ دونوں ممالک کی باہمی ترقی کے لیے دو طرفہ تجارت اور سرمایہ کاری کے تعلقات کو فروغ دینے کے لیے ہندوستان-عمان سیپا کے تحت مواقع کھولنے پر تبادلہ خیال کیا۔”جامع اقتصادی شراکت داری کے معاہدے ( سیپا) پر دسمبر 2025 میں مسقط میں دستخط کیے گئے تھے۔ اس پر ابھی تک عمل درآمد نہیں ہوا۔یہ معاہدہ عمان میں ٹیکسٹائل، زرعی اور چمڑے کے سامان سمیت ہندوستان کی 98 فیصد برآمدات تک ڈیوٹی فری رسائی فراہم کرے گا۔دوسری طرف، ہندوستان عمانی مصنوعات جیسے کھجور، ماربل اور پیٹرو کیمیکل اشیاء پر ٹیرف کم کرے گا۔2024-25 میں ہندوستان اور عمان کی باہمی تجارت تقریباً 10.5 بلین ڈالر تھی ۔امریکہ اور اسرائیل کی جانب سے ایران پر مشترکہ حملے کی وجہ سے بین الاقوامی پانیوں میں خاص طور پر مغربی ایشیائی ممالک کے لیے بحری جہازوں کی آمدورفت میں شدید خلل پڑا تھا۔تنازعہ نے برآمد کنندگان کے لیے خلیجی خطے میں سامان بھیجنے کے لیے چیلنجز پیدا کیے ہیں۔
بھارت اور عمان نے تجارت، سرمایہ کاری کو فروغ دینے کے طریقوں پر تبادلہ خیال کیا
