فلپائن میں شدید زلزلہ کے جھٹکے

منیلا،  جنوبی فلپائن کے صوبہ داواو آکسیڈینٹل میں منگل کے روز زلزلے کے شدید جھٹکے محسوس کیے گئے۔
فلپائن کے انسٹی ٹیوٹ آف وولکینولوجی اینڈ سیسمولوجی نے یہ اطلاع دی۔سیسمولوجی مرکز نے ایک بیان میں بتایا کہ زلزلے کی شدت ریکٹر اسکیل پر 6.6 درج کی گئی۔ ادارے نے بتایا کہ زلزلے کے جھٹکے مقامی وقت کے مطابق صبح 9:39 بجے محسوس کیے گئے۔ زلزلہ کا مرکز سرنگانی شہر میں بلوت جزیرہ سے تقریباً 434 کلومیٹر جنوب مشرق میں زمین کی سطح سے 122 کلومیٹر کی گہرائی میں تھا۔ زلزلہ سے سونامی کا کوئی خطرہ نہیں ہے۔قابل ذکر ہے کہ بحرالکاہل کے "رنگ آف فائر” سے متصل واقع ہونے کی وجہ سے جزیرہ نما فلپائن میں اکثر زلزلے کے جھٹکے محسوس ہوتے ہیں۔