19.1 C
Delhi
فروری 15, 2025
Delhi

قانونی پیشہ ور افراد کو تیز تر ٹرائل اور تیز انصاف کے لیے کام کرنا چاہئے۔ صدر مرمو

کٹک، 26 جولائی ۔ ایم این این۔  صدر  جمہوریہ ہند  محترمہ دروپدی مرمو نے  آج قانونی ماہرین  یعنی وکیلوں سے  سے اپیل کی کہ وہ عدالتی مقدمات کی جلد سماعت اور جلد انصاف کی سمت کام کریں تاکہ لوگوں کا عدالتی نظام پر اعتماد برقرار رہے۔انہوں نے کہا کہ اس بات پر غور و خوض کرنے کی ضرورت ہے کہ کس طرح پسماندہ افراد کو انصاف فراہم کیا جائے۔صدر مملکت نے کہا کہ عدالتوں میں تیز رفتاری سے مقدمات کی سماعت اور جلد فیصلوں سے ایسے بے گناہ قیدیوں کی رہائی ممکن ہو سکتی ہے جو معمولی الزامات کی بنیاد پر طویل عرصے سے جیلوں میں بند ہیں۔محترمہ مرمو کٹک میں اڑیسہ ہائی کورٹ کی 75 ویں سالگرہ کے موقع پر سال بھر جاری رہنے والی تقریبات کی اختتامی تقریب میں حصہ لے رہی تھیں۔صدر نے کہا کہ ایسی مثالیں سامنے آئی ہیں کہ لوگوں کو ان جرائم کی سزا سے زیادہ عرصہ جیل میں ڈالا گیا ہے جن پر ان پر الزامات عائد کیے گئے تھے۔ جس کی وجہ سے بے گناہ لوگ اپنی زندگی کا اہم وقت ضائع کر دیتے ہیں۔ دوسری طرف جرائم کے متاثرین بھی اس وقت امید کھو بیٹھتے ہیں جب وہ دیکھتے ہیں کہ مجرموں کو قانونی طور پر سزا نہیں دی گئی۔ اس طرح انصاف میں تاخیر انتہائی تشویشناک ہے۔انہوں نے اوڈیشہ ہائی کورٹ سے وابستہ تمام لوگوں پر زور دیا کہ وہ انصاف کی جلد فراہمی کے لیے کام کریں اور پورے ملک کے لیے ایک مثال قائم کریں۔صدر نے کہا کہ معاشرے کے پسماندہ طبقات کے لوگوں کے پاس نہ تو زیادہ علم ہے اور نہ ہی ان کے پاس انصاف تک رسائی کے وسائل ہیں۔ تو ہمارے سامنے سوال یہ ہے کہ ‘انہیں انصاف کیسے ملے گا؟’ اس سوال پر گہرے غور و فکر کی ضرورت ہے۔صدر جمہوریہ نے کہا کہ ہندوستان میں قانونی پیشے نے اپنے شہریوں کا اعتماد اور احترام حاصل کیا ہے۔ یہ دنیا کی سب سے بڑی جمہوریت کے اہم ستونوں میں سے ایک کے طور پر مضبوط ہے۔ انہوں نے کئی جدید، اختراعی اور ٹیکنالوجی پر مبنی تبدیلیوں کے ذریعے انصاف کی فراہمی کے نظام کو ہموار اور تیز کرنے کے لیے اوڈیشہ ہائی کورٹ کی بھی تعریف کی۔

Related posts

 بھارت 2030 تک دنیا کی تیسری سب سے بڑی معیشت بن جائے گا۔  ایس اینڈ پی گلوبل

www.journeynews.in

علی گڑھ مسلم یونیورسٹی مستقل وائس چانسلر کی تقرری سے محروم

www.journeynews.in

قرآن پاک نے متنوع پس منظر کے لوگوں کے درمیان اتحاد اور افہام و تفہیم کی اہمیت پر زور دیا ہے : ڈوبھال

www.journeynews.in