گینز ورلڈ ریکارڈ بنانے کا ہدف۔ وزیراعلی
گواہاٹی۔ 29؍ اگست۔ ایم این این۔ آسام حکومت نے 17 ستمبر کو زندگی کے مختلف شعبوں سے تعلق رکھنے والے افراد کے ذریعہ ریاست بھر میں 1 کروڑ سے زیادہ تجارتی طور پر قابل عمل پودے لگانے کے مقصد سے ایک پہل کی ہے، اور اس مشق کے ایک حصے کے طور پر، ریاستی حکومت نو گنیز ورلڈ ریکارڈ بنانے کی کوشش بھی کرے گی۔ "17 ستمبر کو، ریاست بھر میں خواتین کے سیلف ہیلپ گروپس کے تقریباً 40 لاکھ ممبران دو دو تجارتی طور پر قابل عمل پودے لگائیں گے، جس سے کل تعداد 80 لاکھ ہو جائے گی۔ باقی (20 لاکھ یا اس سے زیادہ( لوگ پودے لگائیں گے۔ زندگی کے مختلف شعبوں جیسے آنگن واڑی کارکنان، چائے کے باغ کے کارکنان، سرکاری اہلکار، پولیس اور جنگلاتی بٹالین اور ریاست کے عام شہری اس مہم میں شرکت کریں گی۔” آسام کے وزیر اعلیٰ ہمنتا بسوا سرما نے کہا۔پودے تقسیم مراکز پر دستیاب ہوں گے جو اس مقصد کے لیے قائم کیے جائیں گے۔ جو لوگ امرت برکش آندولن ایپ/پورٹل کے ساتھ خود کو رجسٹر کریں گے اور پودے لگاتے ہوئے ان کی جیو ٹیگ شدہ تصاویر اپ لوڈ کریں گے، ان کے کھاتے میں 100 روپے کی رقم جمع کرائی جائے گی۔ اگر 17 ستمبر کو لگایا گیا پودا تین سال تک زندہ رہتا ہے تو متعلقہ فرد کو 200 روپے اضافی ادا کیے جائیں گے۔ آسام کے وزیر اعلیٰ نے یہ بھی کہا کہ، اگلے سال، ریاستی حکومت 3 کروڑ تجارتی طور پر قابل عمل پودے لگانے کا ہدف بنائے گی جبکہ 2025 میں، 5 کروڑ پودے لگانے کا ہدف ہوگا۔
آسام حکومت 17 ستمبر کو 1 کروڑ پودے لگائے گی
