آل انڈیا یونانی طبی کانگریس ملک میں اطباء کی نمائندہ تنظیم ہے اور ہر سال یونانی ڈے کے موقع پر بڑے تزک و احتشام کے ساتھ 12فروری کو شاندار تقریب کا اہتمام کرتی ہے اور اس موقع پر یونانی طب کے فروغ میں اہم کردار ادا کرنےوالےاساتذہ ،محققین اور معالجین کو ان کی فنی خدمات کے لیے اعزازات سے نوازتی ہے ۔اس سال آل انڈیا یونانی طبی کانگریس کی ایوارڈز جیوری نے رازی انٹرنیشنل ایوارڈ کے لیے علی گڑھ مسلم یونیورسٹی کے اجمل خاں طبیہ کالج میں امراض جلد و تزئینات کے صدر شعبہ ڈاکٹر محمد محسن کو نامزد کیا ہے انہیں یہ ایوارڈ 12فروری کو دہلی میں منعقد ایک پر وقار تقریب میں پیش کیا جائے گا ۔
ڈاکٹر محمد محسن نے بی یو ایم ایس ،ایم ڈی اور پی ایچ ڈی کی تعلیم اجمل خاں طبیہ کالج علی گڑھ سے حاصل کی ہے ،اس وقت وہ شعبئہ امراض جلد و تزئینات میں ایسوسی ایٹ پروفیسر ہیں اور چیئرمین شپ کے فرائض بھی انجام دے رہے ہیں ۔وہ امراض جلد کے ماہر کی حیثیت سے شہرت رکھتے ہیں اور کئ کتابوں کے مصنف ہیں اور قومی و بین الاقوامی سطح کے ریسرچ جرنل میں ان کے بہت سے تحقیقی مقالات بھی شائع ہوچکے ہیں ۔ریسرچ کے میدان میں نمایاں خدمات کے لیے وزارت آیوش حکومت ہند انہیں ینگ سائنٹسٹ ایوارڈ سے مفتخر کرچکی ہے اور ان کے نام یہ اعزاز بھی ہے کہ وہ یونانی طب میں ڈاکٹریٹ کی ڈگری رکھنے والے پہلے اسکالر ہیں ۔
ڈاکٹر محمد محسن رازی انٹرنیشنل ایوارڈ کے لیے نامزد
