ئی دہلی،12فروری۔
نئی دہلی کے پرگتی میدان میں عالمی کتاب میلہ میں مہمان خصوصی کی حیثیت سے شرکت کرنے والا ملک سعودی عرب نے آج اپنے پویلین کا افتتاح کیا۔نیشنل بک ٹرسٹ آف انڈیا کے زیراہتمام یہ عالمی کتاب میلہ10تا 18 فروری تک دارالحکومت نئی دہلی کے پرگتی میں جاری رہے گا۔لٹریچر، پبلشنگ اینڈ ٹرانسلیشن کمیشن کی زیر قیادت کئی سعودی ادارے سعودی ثقافت کوظاہر کرنے کے مقصد سے میلے میں شرکت کر رہے ہیں۔
لٹریچر، پبلشنگ اینڈ ٹرانسلیشن کمیشن کے سی ای او ڈاکٹر محمد حسن علوان نے اس بات پر زور دیا کہ سعودی ثقافت اور تخلیقی صلاحیتیں مختلف شکلوں میں دنیا تک پہنچے۔ انہوں نے مزید کہا کہ عالمی کتاب میلہ میں شرکت کرکے مملکت ثقافتوں کے درمیان مکالمے کو فروغ دینے اور اپنی انفرادیت اور تخلیقی صلاحیتوں کو ظاہر کرنے کی کوشش کرتی ہے۔
علوان نے کہا کہ سعودی پویلین میں شریک ثقافتی ادارے ثقافتی تبادلے کو فروغ دینے کے سعودی وزارت ثقافت کے ہدف کے مطابق لوگوں کے درمیان تخلیقی مکالمے کو جاری رکھنے میں اپنا حصہ ڈالیں گے، جو کہ قومی حکمت عملی برائے ثقافت حاصل کرنے کی کوششوں میں سے ایک ہے۔ سعودی ویژن 2030 کے مطابق میلے کے دوران متنوع ثقافتی پروگرام منعقد کیے جائیں گے جن میں سیمینار اور مکالمے کے سیشنز بھی شامل ہیں جن میں سعودی مصنفین قومی صلاحیتوں اور تخلیقی صلاحیتوں کو متعارف کرائیں گے اور سعودی ثقافت کو ظاہر کریں گے۔تقریب کے موقع پر سعودی موسیقی اور پرفارمنگ آرٹس اور مملکت کے مختلف علاقوں کے پکوان بھی پیش کیے جائیں گے۔ پویلین میں کتابوں اور مخطوطات کی نمائش میلے میں آنے والوں کو مملکت کے قدیم ثقافتی ورثے سے متعارف کرائے گی۔
عالمی کتاب میلہ میں مہمان خصوصی ملک سعودی عرب کا پویلین کا افتتاح
