28.4 C
Delhi
اگست 30, 2025
Delhiیو اے ای

وزیراعظم مودی نے دبئی کے ولی عہد سے ملاقات کی

 قائدین نے مستقبل کے مشترکہ وژن، مضبوط تعاون پر بات کی

نئی دہلی، 8 اپریل ۔ ایم این این۔ وزیر اعظم نریندر مودی نے منگل کو دبئی کے ولی عہد شیخ حمدان بن محمد بن راشد المکتوم سے ملاقات کی اور کہا کہ خصوصی دورہ دونوں ممالک کے درمیان گہری دوستی کی تصدیق کرتا ہے اور مستقبل میں مزید مضبوط تعاون کی راہ ہموار کرتا ہے۔ شیخ حمدان بن محمد المکتوم، جو متحدہ عرب امارات کے نائب وزیر اعظم اور وزیر دفاع بھی ہیں، ملک کے دو روزہ دورے پر منگل کو دہلی پہنچے۔ دبئی کے ولی عہد کے طور پر یہ ہندوستان کا ان کا پہلا سرکاری دورہ ہے۔ ان کے ساتھ کئی وزرا، اعلیٰ سرکاری افسران اور ایک اعلیٰ سطحی تجارتی وفد بھی ہے۔ انہوں نے ایکس پر ایک پوسٹ میں کہا،  دبئی کے ولی عہد شیخ حمدان بن محمد بن راشد المکتوم سے مل کر خوشی ہوئی۔ دبئی نے ہندوستان-یو اے ای جامع اسٹریٹجک پارٹنرشپ کو آگے بڑھانے میں کلیدی کردار ادا کیا ہے۔ یہ خصوصی دورہ ہماری گہری دوستی کی تصدیق کرتا ہے اور مستقبل میں مزید مضبوط تعاون کی راہ ہموار کرتا ہے۔    ولی عہد نے  ایکس پر مطلع کیا کہ  متحدہ عرب  امارات۔بھارت تعلقات مواقع، اختراعات اور دیرپا خوشحالی سے بھرپور مستقبل کی تخلیق کے لیے مشترکہ وژن کے ذریعے کارفرما ہیں۔  وزیراعظم نریندر مودی سے آج نئی دہلی میں ملاقات خوشی ہوئی۔ ہماری بات چیت نے  متحدہ عرب امارات۔ہندوستان کے تعلقات کی مضبوطی کی تصدیق کی جو اعتماد پر استوار ہے، تاریخ کی شکل میں ہے، اور مواقع، اختراعات اور دیرپا خوشحالی سے بھر پور مستقبل کی تخلیق کے لیے مشترکہ وژن پر مبنی ہے۔ اس سے  پہلے  ہوائی اڈے پر ان کا استقبال مرکزی وزیر مملکت برائے سیاحت و پٹرولیم اور قدرتی گیس سریش گوپی نے کیا۔ منگل کو، وزیر اعظم مودی نے دورہ کرنے والے رہنما کے اعزاز میں ایک ورکنگ لنچ کا اہتمام کیا، جس سے مختلف شعبوں میں تعاون بڑھانے پر بات چیت کا موقع ملا۔

Related posts

آسام میں دیسی ہندوستانیوں کو اسلحہ کا لائسنس دینے کا فیصلہ امن کے لیے شدید خطرہ حکومت ہند سے اپیل، غزہ میں نسل کشی بند کرائی جائے

www.journeynews.in

اردو کے حق میں سپریم کورٹ کا تاریخی فیصلہ

www.journeynews.in

ماب لنچنگ میں ہلاک ہونے والوں کے ورثاء کو معاوضہ دیا جائے

www.journeynews.in